მარტვილში ტალერი-ნობულევის საავტომობილო გზის სარეაბილიტაციო სამუშაოები დასრულების ეტაპზეა

• მარტვილის მუნიციპალიტეტში, ტალერის ადმინისტრაციულ ერთეულში ტალერი-ნობულევის საავტომობილო გზის სარეაბილიტაციო სამუშაოები დასრულების ეტაპზეა.

მარტვილის მუნიციპალიტეტის მერიის ინფორმაციით, პროექტის ფარგლებში რეაბილიტირდება 1 140 მეტრი ცემენტ-ბეტონის და 2 553 მეტრი ასფალტ-ბეტონის გზა. სამშენებლო სამუშაოების ღირებულება 1 699 997 ლარს შეადგენს და სამუშაოებს შპს „საგზაო“ ასრულებს. პროექტით გათვალისწინებული პირველი ეტაპის სამუშაოები 2020 წელს განხორციელდა.

ტალერი-ნობულევის საავტომობილო გზის სარეაბილიტაციო სამუშაოები საქართველოს რეგიონებში განსახორციელებელი პროექტების ფონდისა და ადგილობრივი მუნიციპალიტეტის დაფინანსებით ხორციელდება.